Manchester City ikomeje gushimangira ko ,ikiri mu rugamba rwo guhatanira igikombe nyuma yo gutsinda Liverpool ibitego 2-1 mu mukino w'umunsi wa 25 wa Premier League ,n'umukino wabereye kuri Anfield, ukaba ari umukino waranzwe n' ishyaka ry'inchi no guhangana kumpande zombi.
Umukino watangiye Manchester City irusha ikipe ya Liver Pool cyane mu gice cya mbere, ibifashijwemo n'abakinnyi barimo Bernardo Silva yakomeje kwitwara neza hagati mu kibuga, nubwo batabashije kubona igitego ,igice cya mbere cyirangira ari ubusa ku busa . Liverpool yaje kugaruka mu gice cya kabiri iri hejuru , maze ku munota wa 74' Dominik Szoboszlai atsinda igitego cyiza cyane cya coup franc .
Nyuma yo gutsindwa Manchester City ntiyacitse intege. Ku munota wa 84, Bernardo Silva yaje gutsinda igitego cyo kwishyura kuri assist ya Erling Haaland biba kimwe kuri kimwe .
Amakipe yombi yaje gukora impinduka aho Liver Pool yaje gukuramo Cody Gakpo ndetse na Milos Kerkez yinjizamo Chiesa ndetse na Cutis Jones mugihe Manchester city yakuyemo Abdukodir Khusanov,Omar Marmoush ndetse na Antoine Semenyo yinjizamo Ruben Dias,Rayan Cherki ndetse na Nathan Ake
Mu minota y’inyongera, Matheus Nunes yinjiye mu rubuga rw’amahina maze Allison Becker aramukorera ikosa, bituma City ihabwa penaliti. Erling Haaland yayiteye neza a tsinda igitego cya kabiri
Mu minota ya nyuma, Liverpool yagerageje kwishyura ariko City yihagararaho, nubwo Szoboszlai yaje guhabwa ikarita itukura nyuma yo gukorera ikosa rikomeye Erling Haaland. Umukino urangira Manchester City yitwaye neza , iba intsinzi ya kabiri ya Pep Guardiola aboneye kuri Anfield mu mikino 10 iheruka amaze kuhakinira
Iyi ntsinzi itumye Manchester City igumana icyizere cyo gukomeza kwegera Arsenal iyoboye urutonde rwa shampiyona , mu gihe Liverpool ikomeza kugorwa no kuza mu Makipe 4 yambere.
